Category Archives: 未算這種人才

對於好少朋友的我來説, 被點到已是榮幸, 傳唔傳得落去已經唔緊要. 答咗問題, 又可以認清自己, 幾好. (來自pp) 0：说一句想对空气说的话~~~ Hi~~~ 1：你认为“快乐”是什么？ 自己開心就是快樂, 開心到情願去氹人開心就是非常快樂. 2：你认为“难过”是什么？ (認同上家)孤军奋战，毫无目标 3：2006你最开心的事是什么？2006年最难过的事是什么？ 最開心是可以陪父母; 難過是即將有排陪唔到佢哋. 4：如果现在可以让你随心所欲去旅行，你想去哪里？ 又是廣州. 5：你最满意自己身体哪个部位？与别人初次见面你会先注意他（她）哪个部位？ 眼; 都係對眼. 6：失眠过吗？你用什么办法对抗失眠？ 失眠過; 看專業書. 7：会不会做饭？你希望你的伴侣会做饭么？ 會; 中意洗碗加分, 唔洗碗直接out. 8：你最想做哪个动画片角色？为什么？ 完全唔識, 答唔到. 9：在你心中我是怎么样的一个人？ 我不知幾欣賞你的生活態度. 近排你哋成日甜到漏咁, 我雖然唔多講嘢, 但真係戥你哋開心. 10：如果可以重来，你最想改变的是什么？ 改變我的懶散習性. 11：觉得自己是个自恋的人么？ … Continue reading →

今日收到百零蚊巨款, 去M記嘆番個good good味的豬柳蛋早餐(咁大個女未試過咁早起身), 上網bid《Life Continues》預購版乙只, 購新碟二只, 總共倒貼180大元. 完.

今時今日的網絡世界, 最重要的品質係乜? 唔係講嘢有point, 而是要有骨. 你好正經咁講嘢, 唔會有人so你, 不如一逞口舌之快, 攪旺個人氣先; 又或者, 俾人寸咗, 冇番咁上下刻薄, 你點樣即刻寸番佢呀! 但, 諸位fans, 即使你好滿足於單單打打的刺激, 都請加番少少想象力. 講親都係容祖兒無料、只識唱慘歌、靠楊生上位, 好悶囉. 事實容小姐聽過好多只唱碟, 仲好識貨添, 勁過嗰兩位口口聲聲話"好有heart做音樂"的GL歌手好多架. 許志安做戲又一定好難睇? 話晒人哋靠把聲搵食廿幾年, 你班電視台中生小生做戲叻過佢唔出奇, 講臺詞就一定唔夠佢冧喇! 以上是插播, 以下講番正經嘢. 大概是活著太累, 所以一定要有刺激啩. 訪問一定要讀余家強的豪語錄, 因爲夠刺激; 無無聊去各大forum踩金句天后/老鼠安/好勝琪, 應該都幾刺激(Uwants太溫和, CM太幼稚, discuss.com至多算初級班, 想出師, 點都要去she.com進修下嘅). 后尾讀到呢篇[url=http://domting.blogspot.com/2006/12/beautiful-losers.html]beautiful losers[/url], 好勁, … Continue reading →

情人節揀在二月這種天氣, 實在不夠浪漫. 不如, 夏至啦! 一年裏最燦爛一天都陪住你過, 都沒什麽可遺憾了.

[quote]落雨有遮都要在行人路有瓦遮頭的地方游戈；坐小巴死都坐開面個位等遲上車的人好辛苦咁攝入去入面個位；行行下街無啦啦停低成幅牆咁企晌度。另外補充，我試過見到有人在戲院內吃叉燒飯，還有在巴士上用手機的擴音機播容祖兒的歌。[/quote]我就覺得, 想到這些的人, 未免太過文藝; 我等草根, 最最頂唔順的是高峰時地鐵長廊有女霸住條路施施然拗造型; 又或者D人喺洗手間『高空飛水』又不識自己執首尾喇.

我住在一個慢半拍的房子裏. 電視揀好頻道, 要讓它獨個兒唱一會兒, 才能維持得到. 馬桶沖好水, 要過五分鐘, 它才靜唧唧蓄起水來. 唔怪得我揀男友, 講話做事都慢半拍啦. 我寫短信: "我睡了", 然後就真的坐在椅子上睡着了. 醒來繼續寫: "晚安啦!"

有一日, 我在公司樓下被派了一支牙膏, 就是佔據地鐵扶梯廣告位的那個Twin Lotus. 於是每天早起, 我都用這支大便狀的清涼油刷牙, 熱帶植物果然幾威, 所謂bad taste, 就是bad t(oothp)aste麽. 好了, 講過夾硬扮Kidult代言人的最佳偶像林海峰, 講過老姑婆們的至愛黃子華, 連蘋果系最語不驚人死不休的壹周刊都講埋, 總該講番我最擅長的話題 —— 講下拍拖啦. 講愛我唔得, 講拍拖就尚可, 就連我睇戲, 都能獨具慧眼挖到最有愛情feel的那一出麽. 舊年看"孔雀", 我說這電影最精彩是張靜初第一次見到傘兵時, 是張愛玲那種"很低很低, 低到乜乜裏去"的感覺. 其實張那感覺我又從未有過, 是但噏啫; 倘若有過, 不知而家會否幸存? 後來又看情癲大聖, 點解中意阿Sa說"你愛番我啦", 皆因一個現代女仔被人抛(放)棄的時候, 可能會說"你咪走", 或者"不如我哋重新開始", 卻絕對不會明知對方已經不再愛自己, 還天真到說"你愛番我啦", 嘩, 好嗲, 真的俾佢冧到. … Continue reading →

本來就不應該攞『舊生會』這麽老套的話題出來的, 讓你"見到名就知你想講乜嘢". 實在是前晚南區後門羅記麻辣燙的老闆娘第一次主動開口對我講"加什麽"、"在這裡吃還是帶走"之外的話, 受寵若驚之餘, 總要感慨一下年關將近, 大家紛紛執好包袱返鄉過年, 本就不夠熱鬧的城市夜生活又要淒冷幾分. 大學同學聚會究竟是哪一日我已記不得了, 總之嫁的嫁, 娶的娶, 就等過兩年收離婚的料了. 也有出到國外遇到如意郎君的, 聽説最近在研究婚禮用邊一款顔色主打, 實在可喜可賀. 仲有一個記得日子的, 上個禮拜六, 跟初中同學通宵唱k, 講起某某前男友好事將近, 某某前男友娶了成卅幾年歷史的南方老婆仲帶住個拖油瓶, 實為自己眼下高不成低不就生命的另一半究竟喺邊都唔知而唏噓不已. —— 以上實屬亂噏, 是人都知我十分享受單身生活, 過去一年只為愛情流過一滴眼淚(擠得好辛苦), 但這仍不能阻止我, 在別人點唱"為愛癡狂"時, 望住嬰兒肥的劉若英流下熱淚, 那可是, 白花花的十年青春啊. 看『棟篤神探』的時候(是啊我就是咁老土)我想, 其實我們都有過這樣不修邊幅、頭腦冷靜、見到只狗都會驚到lee埋你身後的前男友, 只是他究竟長什麽樣子叫什麽名, 我實在絞盡腦汁也記不起來了～～ 最後贈歌半首, 不是向您表露心跡, 只是考驗您記憶力: 青天永遠不老 恩怨留待明朝 只有舊情最難忘掉 對錯無法預料 … Continue reading →