懶人食譜 2

Posted on 2008-05-17 by dobby


P5170074

食譜

Posted in 夠鐘食飯 | 2 Comments

懶人食譜 1

Posted on 2008-01-11 by dobby

P1110016

請自行篡改食譜.

Posted in 夠鐘食飯 | 4 Comments

刀仔鋸大樹

Posted on 2007-11-13 by dobby

幾周前行過Chinatown一間樂透站, 門口招紙貼住20 Million, 是嗰種每間樂透站都會有嘅圓形招紙, 意為今期獎金20 Million; 不過呢, 呢間特別啲, 仲喺每張招紙上面貼咗一行中文字, 計有:
二千萬, 唔買走寳
刀仔鋸大樹

後悔未用手機即刻影低, 寄俾壹仔實登; 琴日行過, 二千萬已俾人刀仔鋸咗大樹, 招紙都不復在了.

Posted in 未分类 | 2 Comments

考完

Posted on 2007-11-11 by dobby

蒜茸蘑菇

P9180019

最健康的做法是, 去超市揀一袋最嫩最細個的蘑菇; 起(植物)油鍋, 蘑菇不用洗, 整只擺落去, 翻炒, 放至少兩大匙蒜蓉醬, 和一點隨便什麽色拉醬(貪佢少少醋味, 但太酸嗰種又唔得), 鹽, 出鍋.
上圖是黃油版(蘑菇太大所以切開了), 差別是用黃油起鍋, 出鍋前再用黃油代替鹽, 雖然香味重了, 但我覺得有些膩.


張學友演唱會
我: 老細話張學友演唱會嗰晚要三個人返工喎, 張學友演唱會都唔使三個人啩!
男友: 要咖! 佢三年換咗21個菲佣呀嘛!

(結果證實老細佢對張學友fans年齡層次估計不足, 嗰晚我哋鋪頭好冷清, 隔離間粥粉面就爆晒...)

Rita
Rita是我上第一堂business law課識的. 那時她坐在我旁邊, 很用心的吃一片麵包. 後來她就變成我的好友.
有個星期六約好去law school讀書, 兩個人都無哩心機, 坐在站臺等了半個鍾車, 談Wyman, 談某段不太順利的關係, 太陽暖融融的曬下來, 鴿子在旁邊踱方步, 我望著對面那個從來不准時的鐘樓, 想, 我在很多年后, 都會記得這個場景吧.

昨天Rita在我家等開飯, 說陳淑樺把聲好溫柔, 直入人心, 於是兩個人說到李宗盛, 然後我就想到, Sandy Lam開演唱會, 這些年來, 我將第一次有天衣無縫唱.

Posted in 未分类 | 4 Comments

為食

Posted on 2007-05-26 by dobby

我不知道在一個羅拔臣只有一種芒果味、生抽連最平最好味的「海天牌」都沒有地方, 每日可以食什麽. 我見過有人寫佢每週飲食只需廿蚊, 即刻嘩一聲, 對於我, 齋食丁丁都唔夠.


不是沒有試過煮新餸, 不過就僅限於Follow So; 複雜少少, 食材就買不齊.


不想落茶餐廳吃味精, 不想吃膻味大過羊扒的豬肉, 所以每日所食, 除了罐頭吞拿炒蝦仁蘆筍外, 都係出前一丁.


歡迎送呢本書俾我.


--
聽吳浩康新歌前, 竟然緊張得不得了; 總有些人, 唱完這首歌, 不知道還有沒有下一首唱.


Posted in 夠鐘食飯 | Tagged | 5 Comments

打得火熱(2000年9月)

Posted on 2007-05-14 by dobby

呢篇嘢係我同好友sillyten一齊作, 自己感覺好怪, 好似模仿李重言咁......還請各位指教.


曲目:
01. 打得火熱
02. K歌之王
03. 活躍症
04. 低等動物
05. 新廣告歌
06. 美麗謊言
07. 綿綿
08. 吹微風
09. 溫室效應
10. 下周同樣時間(再見)


你當然可以說《打得火熱》又是一堆K歌+一堆悶歌，倉促之下水準參差，同《Nothing Really Matters》不同級數。是趕得太急，暑假先轉公司，九月尾已經出碟，翻唱勁多，甚至拎出自己儲了多年的“私伙”；但新公司新人事新作風，陳奕迅由形象到唱腔，已經進化。


封面一洗華星時的娘味，已經先聲奪人；做設計的林海峰固然功不可沒，但影相嗰位，可以執到咁sharp，上緊位的霸氣突晒出來，都算幾犀利。


這張碟是英皇(Music Plus)時期兩大監製第一次同場獻技，陳輝陽包起第一二首派台歌，當然搶過負責執sidetracks的王雙駿；另外有CY Kong監製了一首情欲K歌。


打得火熱
揀打得火熱作轉公司第一plug十分明智，因為此曲完全確立了新形象，放肆得來又趣怪，好醒神，在當時雷式fing頭歌氾濫的市場中輕易脫穎而出。長達半分鐘intro已經非常搶耳，在你以為他要開唱時突然鼓聲一轉，等你熱多陣身先；旋律方面，verse就好過chorus，後者給人感覺平淡少少；至於Eason扭的那支怪舞，想必都令你過目不忘。


K歌之王
食正K場熱條水，旋律又正統，歌詞和編曲又配合到(國語版仲要MV都配合)，怎麼可能不熱爆全城？值得一提的是，在陳輝陽調东篱把酒黄昏后教下，Eason用了一種完全不同的唱腔，華星時的扮成熟、後天修飾痕跡過重的缺點完全不見，向流暢派又邁進一步。Eason這把唱K聲，雖然都用了技巧，但給人的感覺自然好多；加之感情運用得體，第二段歌詞感情推進，他都乸實塊面唱做樣，好多第一段時的假聲位都用返真聲，將旋律逐級逐級推到高潮，是絕頂K歌示範作。


活躍症
我會將黃偉文以下作品歸為一個Custom Made系列，因為陳奕迅以後若干年的傳媒形象，應該都離不開以下三樣：癲(《活躍症》)、講嘢唔經大腦(《沖口而出》)、《黑面》。活躍症雖然是翻唱歌，但打上很深的王雙駿烙印，聽者情緒會被旋律和節奏完全牽制，可見其高招。


綿綿
綿綿更像是柳重言失手寫壞的K歌，編和唱也十分簡單，但勝在，林夕好得。原作小說只不過是一個線條簡單敍事普通的故事，但林夕將它靜止化，截取其中一個場景，不需要對白，只給出分鏡，任由畫面閃過，讓你在很多年後，甚至已經記不起這歌怎唱，卻怎麼也忘不掉那些吸不透的香煙、代我傷心的唱片，和一個夏雨天，一次愉快的睡眠，斷多少發線。


下周同樣時間(再見)
做成百老匯風格的創意很好，但Eason把聲好似游離在首歌之外；配器可以再精簡，突出旋律，增加現場感。


剩下幾首sidetracks，有學友式的《吹微風》，也有《熱帶雨林》前傳《溫室效應》，不過如果你不是fan屎，相信也分不出邊首打邊首，算吧。


Music Plus時期這張熱身作，整體性欠奉，快歌不少，也都算玩得幾放，但就未夠《第五個現代化》經典；整張碟更像《K歌之王》的附屬品，所以下一張碟，陳輝陽來了。

Posted in 惡趣味小姐 | Tagged , , | 4 Comments

韓式炒年糕

Posted on 2007-03-21 by dobby

[img]http://images.blogcn.com/2007/3/21/6/dobby,20070321104820.jpg[/img]

用LKK蒜蓉辣椒醬+少許耗油, 都勉強叫做口味合格.

[img]http://images.blogcn.com/2007/3/21/6/dobby,20070321105124.jpg[/img]

落咗兩日雨, 前院生出蘑菇來.

Posted in 夠鐘食飯 | 6 Comments

學人寫碟評

Posted on 2007-03-07 by dobby

有人話, 網絡search Stephy張碟嘅樂評, 九成係揶揄封面; 喂, 張碟嘅"音樂"有邊忽值得關注先?......
其實呢, 呢幾日我都係聽緊"上年總結中得嗰一句"的幾張碟. 郭偉亮呀, 連暴肥都迷人, 連爆牙都迷人, 連肉麻都迷人, 連痘皮都迷人, 好冧; 黃耀明呀, 又唔知邊個寫(訂閲40個扑就是有這點不好)佢國語唱得差, 原來又係偏見, 阿黃生唱廣府話已經吞聲吞到無以復加, 毫無美感可言, 反而普通話發音更放, 如歌的行板和給你(國語)都出色, 維納斯(國語)就過咗火.

原來寫完, 都係得嗰一句.

--
多謝幾位建議我寫多d扑嘅老友, 除咗被曬成一嚿炭, 我一切安好.
本區有間"中發雲吞麵家", 牛腩撈8元一客, 大大嚿牛腩十幾件, 又腍又多汁, 只可惜, 食唔晒.

Posted in 惡趣味小姐 | 6 Comments

我第一時間睇到架!

Posted on 2007-02-06 by dobby

對於好少朋友的我來説, 被點到已是榮幸, 傳唔傳得落去已經唔緊要. 答咗問題, 又可以認清自己, 幾好.
(來自pp)


0：说一句想对空气说的话~~~
Hi~~~


1：你认为“快乐”是什么？
自己開心就是快樂, 開心到情願去氹人開心就是非常快樂.


2：你认为“难过”是什么？
(認同上家)孤军奋战，毫无目标


3：2006你最开心的事是什么？2006年最难过的事是什么？
最開心是可以陪父母; 難過是即將有排陪唔到佢哋.


4：如果现在可以让你随心所欲去旅行，你想去哪里？
又是廣州.


5：你最满意自己身体哪个部位？与别人初次见面你会先注意他（她）哪个部位？
眼; 都係對眼.


6：失眠过吗？你用什么办法对抗失眠？
失眠過; 看專業書.


7：会不会做饭？你希望你的伴侣会做饭么？
會; 中意洗碗加分, 唔洗碗直接out.


8：你最想做哪个动画片角色？为什么？
完全唔識, 答唔到.


9：在你心中我是怎么样的一个人？
我不知幾欣賞你的生活態度. 近排你哋成日甜到漏咁, 我雖然唔多講嘢, 但真係戥你哋開心.


10：如果可以重来，你最想改变的是什么？
改變我的懶散習性.


11：觉得自己是个自恋的人么？
是, 但不會因此打攪其他人.


12：寂寞的时候怎么办？
如果問我"無聊時點算"我會有好多答案; 問我"寂寞時點算", 大佬, 未寂寞過, 幫唔到你.


13：目前能想到的07年最大的计划是什么？
又是讀書...


14：上次哭是什么时候？
前几日(咁大個女未試過俾人激到喊...) 


15：最想去的城市是哪里？
廣州, 頭先答咗.


16：你的梦想是什么？
有d積蓄; 嫁得出.


17：难过的时候怎么办
問阿爸阿媽攞tips.


18：如果有一天，你突然被一片突如其来的黑暗吞噬，你会第一口喊出的名字是？
X! 又斷電


19：如果你的异性朋友对你表白而你只想把他当好朋友，你会怎么办？
......


20：说出你最大的优点。
心態好
 
21：描述一下给你题目的人。
[一個影響我很深的人]


22：到目前为止生命中最重要的三样东西？
父母, 第三樣嘢我諗都係錢.


23：说出你觉得最可爱的名字？
[得得意意好似一嚿雲]


24：最想报复的人是谁？
無


25：与男（女）友是如何认识的？
唔回應.


26：圣诞礼物想要什么？
是但啦.


27、圣诞礼物送我什么？
黃偉文新書.


28、过去的那一年什么事情对你的影响最大？
無


29：想什么时候生小孩呢？喜欢什么生肖什么星座的呀？男孩还是女孩呢？为什么？
嫁得出先算.


30：你最后悔的一件事？
從不後悔, 除了買碟買貴幾蚊的時候.


31：初恋是几岁？
12定13


32: 最近看过的印象最深的电影？
狗咬狗, 因爲最近一次看電影還是看狗咬狗...


33：你相信奇迹吗？有经历过吗？
可能有, 不過又點會俾我撞到.


34：最喜欢的一首歌是啥，为什么？
好難揀


35：请回忆，在你经历大的痛苦的时候，你想过逃避吗？后来是怎样过去的？
想過, 不過我蠢啫, 以爲逃避=瞓覺, 點知瞓醒仲痛苦.
瞓瞓吓就過去了.
 
36：你对30岁怎么看？到了30岁的时候你有没有什么特别的心愿，特别想做的事？
喂, 問一個女人30嵗想點, 即係想佢答"嫁得出"啫.
 
37：你喜欢晒太阳嘛？
麻麻哋.
 
38：如果你要结婚，你结婚的理由是什么？（lala）
夾, 啱傾, 儲夠錢, 大家夠坦白.
 
39：觉得自己曾经做过最荒诞搞笑的事情是什么？（pp）
我自己就諗唔出嘅, 不過我d戀愛史經常被人笑.


40：今次大閘蟹都幫唔到我, 惟有借呢度祝各位生活越來越好, 搵到自己想要嘅嘢.

Posted in 未算這種人才 | Leave a comment

日誌(短)

Posted on 2007-01-20 by dobby

今日收到百零蚊巨款, 去M記嘆番個good good味的豬柳蛋早餐(咁大個女未試過咁早起身), 上網bid《Life Continues》預購版乙只, 購新碟二只, 總共倒貼180大元.

完.

Posted in 未算這種人才 | Leave a comment